اعلانات خــورنة القوش
كاردينيا للورود والهدايا اعلن هنا
شخصيات القوشية في سطور دليل المنتدى
كرم الالقوشي karam alqoshy فيسبوك
اخبار شعبنا اخبار القوش اعلن هنا


عرض خاص ... فقط بـــ 25 $ ... اعلانك على موقع خورنة القوش لمدة شهر كامل ... اعلن اليوم ليصل الى اكثر من 130.000 الف متابع
دعوة للإنضمام لأسرتنا
اسم العضو
كلمة السر تأكيد كلمة السر البريد الإلكتروني تأكيد البريد الإلكتروني
التحقق من الصورة
رجاء ادخل الستة أرقام أو الحروف الظاهرة في الصورة.


تاريخ الميلاد:    
هل انت موافق على قوانين المنتدى؟

التميز خلال 24 ساعة
العضو المميز الموضوع المميز المشرف المميز
الشماس سمير كاكوز انتقل الى رحمة الله المرحوم وديع ملاخا في القوش
بقلم : khoranat alqosh
قريبا

العودة   منتديات خورنة القوش > اقسام التكنلوجيا والكومبيوتر > منتدى تطوير المواقع والمنتديات > ملتقى الهاكرز والاختراق والحماية منها

إضافة رد
 
أدوات الموضوع انواع عرض الموضوع
  رقم المشاركة : [1]  
قديم 03-12-09, 01:25 AM
 
منهل التلكيفي

عضو فعال جدآ


  منهل التلكيفي غير متواجد حالياً  
الملف الشخصي






منهل التلكيفي is on a distinguished road
:::. لــــــــــــمن سرق الميل الخاص به .. (شرح).:::

خل ايكون الحچي " بالعراقي "

يابة الله بالخير جاي انشوف الكثير من الطلبات بخصوص اميلي انباك , اميلي انسرق , رجعولي اميلي , يامعودين الحكو .. الى اخره
وللاسف الحل واحد .. لاغير .. وراح احصر الحل بهذة الموضوع .. حتة لايكون هناك مواضيع مكررة لنفس الطلب ...
الشرح على الاميل الياهو فقط ..!!


شوف حبيبي قلبي الاميل مالتك اول شي اشلون انباك ..؟؟
ماسالت روحك ليش انباك من عندي ..؟!!

هذة السؤال اعتقد محد يسالة نفسة بي راستا يجي ويكول اميلي انباك .؟!

خل اشوي انبهكم بكم شغلة علمود اميلك لاينباك ولاتجي تتوسل بغيرك تعال رجعلي اميلي ..
الاميل ينباك اذا جنت ماماخذ حذر .. اشلون يابة ؟ انة هسة افهمك
الاميل شنهوة فد وسيلة تحجي وترسل من عدهة من شخص الى اخر .. زين وبعد ؟

الاميل بي يوزر وباسورد فاذا بي يوزر وباس ورد شنو يعني يعني
الاميل معرض للسرقة اذا صاحب الاميل جان مامحصن روحة ضد المخترقين والهكرز ..
وبلاونة الاخيرة صار الاختراق 6 بفلس ..ليش ؟ لسهولة اختراق الاميل وذلك لكثر برامج الهكرز .. ومانريد نطرق الهة لان الشروط شروط !
ولجهل الكثير من مستخدمي الانترنت خطر الهكرز ..
فحبيبي خل اوضحلك اشلون اتحافض علة اميلك من السرقة ..
1- الكثير من ايسون اميل على شركة الياهو www.yahoo.comيدخل معلومات شامي عامي يعني المواليد يدخلهن واصلا هوة مايدري شنو دخل
ولو الجواب السري يدخلة شخابيط ؟؟!! هل هذة معقول ..؟ اي معقول عمي ليش لا وجاي اتلاحض الكثير اذا انباك اميلهم مايكدرون ايرجعونة
لان مايعرف المعلومات فخل نكون واقعيين من اسوي اميل دخل المعلومات بتركيز وحفضهن بتيكست بحاسبتك او بقرص بامان ..
والمعلومات هنة
* البوست كود
* الجواب السري
* المواليد والعمر والسنة

هذن المعلومات المطلوبة حفضهن .. نجي الى الخطوة الي بعدهة ..
2- جاي الاحض الكثير من الي عدهم اميلات يكون الباسوورد مالتهم سهل كسرة واختراقة مثلا يجيك واحد الباسوورد مالتة 123456؟؟!!
ماهذا الباسورد اخوي شنو انتة جاي تحسب منا للعشرة !!
الباسوورد هوة اهم شي ولازم نصعبة عن المخترقين باقصى ماعدنة .. مثلا الباس ورد من تخلي خلي بي ارقام وحروف مع ضغط شفت
يعني اذا نريد نخلي باس وورد 123456 عندما نضغط على shift راح يصير !@#$%^
وهذة صعب كسرة من المخترقين . بس لازم تخلي حروف ويا يعني خل يكون !@#$%^dijlh او انتة وباسوردك حاول تشعر ان باسوردك صعب
زين ننتقل الى الخطوة الي بعدهة
3- احذر احذر من البرامج والملفات الي تنصبهة من الانترنت وتفتحها شامي عامي وماتعرف اصلا شنهوة هذة البرنامج او الصورة او الاغنية الي فتحتهة شنهية ماهية ؟؟
خل نتكلم شوية عن الفايروسات والباتشات ..
شلون ينباك اميلك ينباك يا اما عن طريق الباتشات وهية من برامج الهكرز يا اما عن طريق الصفحات المزورة او برامج الياهو المزيفة ؟؟
الباتش .. هوة عبارة عن فايروس سارق للبيانات والمعلومات الي علة جهازك
اشلون يجيك الباتش ؟؟

الهاكرز عندما يصنع الباتش يدمجة مع برنامج او صورة او ملف اخر .. ويدزة الك ويكلك شوف صورتي او اسمع هاي الاغنية الخ ..
فانتة اذا ماتعرف هاي السوالف راح توافق وتكلة دزها وراح تكون الضحية ...!! للاسف
فاللحفاض على اميلاك لاتستقبل اي ملف من اي شخص على الماسنجر او الانترنت مالم تثق به ثقة عمياء
لا تدخل للمواقع المشبوها مثل ( المواقع الاباحية , مواقع القرصنة , مواقع تعليم الهاكرز , ) فكلها مواقع ملغوما
فعند دخولك لهذه المواقع ستصاب حاسبتك باخطر الفيروسات والباتشات ..
بعد الباتش منين يجيلك ؟؟
يجيلك من المواقع الملغوما حيث عند دخولك للموقع تلقائيا تظهر الك رسالة تكلك هل توافقع على الدخول فبالضغط على موافق يبدا الباتش بالنزول الى الحاسبة
وذا ماعند انتي فايروس بي خير ومحدث راح تكون ضحية 100% فدير بالك من المواقع حاول تختار الموقع الصحيح ودائما حدث انتي فايروسك
وانة انصح بالكاسبر سكاي انتي سكيورتي وحدثة باستمرار لان اهم شي هوة التحديث وبدون تحديث لا فائدة من البرنامج
بعد منين يجيك ؟؟
يجيك من الاعلانات المنبثقة ..
بحيث لو ملاحض عند دخولك لموقع تنفتح نافذة وية الموقع تلقائيا ..
فانصح بتنصيب اي تولبار اهم شي كون قاتل الاعلانات او popp kiler او تولبار اليكسا ..
زين عرفتو اشلون اتحصنون نفسكم من الفيروسات والباشتات الحمد لله ..

نجي للصفحات المزورة والي باكت الاف الاميلات ..
اوكات يجيك واحد ايكلك روح الياهو انطتك خدمة جديد تعال دخل اميلك وباسوردك وفوت لو تعال شوف الياهو بالغة العربية ومن سوالف الاقناع ..
فينطيك موقع من اتفتحا يطلعلك موقع الياهو بالضبط وبي مربعات الدخول sgine in وباسورد انت بس ادخل اميلك وباسوردك تلقائيا يتحول الي دخلتة الى الهكر الي دزلك هاي الصفحة ويبوك الاميل بكل سهولة ..
شلون تحصن نفسك من هاي الدوخة ؟؟
شوف حبي ميز ابين موقع الياهو والصفحات المزورة .. موقع الياهو يبدي ب yahoo.com اما الصفحات المزورة فتبدي بشركة الاستضافة الي رافعين علهة الصفحة المزورة مثال
dijlh.net/yahoo
لو تلاحص الفرق بدة الموقع بدجلة مو بياهو
فمن اتريد اسوي دخول لموقع الياهو ركز على البداية بعد ال www شنهية ؟؟
اذا يبدي بـ www.yahoo.com وينتهي بـ .com دخل اميلك بامان اما غير ذلك فلا تحاول نهائيا اهم شي البادية yahoo.com
زين خلصنة من الصفحات المزورة
نجي لبرامج الياهو المزيف ..
اوكات يجيك واحد هكرجي عود هوة مسوي نفسة يكلك هذة الياهو الاصدار العاشر !! او الاصدار الفلاني بي ميزات لاتعد ولاتحصى؟؟
فاعتقد وثق بان هذا هوة الياهو النسخة المزورة .. عملها نفس عمل الصفحات المزورة ..
من اتفتحا طبقا للياهو الاصلي نفس الشكل نفس الملامح وهم بي دخول وفروكيت باسودر وهيلب بعد ياهو وكاعد
بس من اتخلي الاميل والباس ورد مالتك تروح المعلومات الى الهكرجي الي دزة الك ..
فخلي ابالك لاتنصب نسخة ياهو الا من موقع الياهو نفسة www.yahoo.comاما غير موقع الياهو لاتنصب !!
4- حاول تغير باسورد اميلك ابين مدة ومدة يعني حاول تغيرا ابين كل سبوعين ودير بالك بالتغير علة كيفك تدخل المعلوامت وانصح بكتابة الباس ورد الجديد في صفحة txt ومن ثمة عمل كوبي وبيست في خانة الباسورد الجديد حتة لايكون هناك اشكالات ..
---------------------------------------------------
زين انتهينة من التحصين وانشالله الكل استفادت من التحصين وع الاقل انخفف عمليات السرقة الى فد حد معين
هسة نجي لاسامح الله اذا انباك باسوردك شتسوي ؟؟
شوف حجي اذا انباك باسورد اتروح الى
صفحة الياهو ميل و من ثم كلمة forget bassword و يجب ان تجيب على الاسئلة الشخصية التي ادخلتها اول مره عند اشتراكك
* البوست كود
* الجواب السري
* المواليد والعمر والسنة
.. و اذا تطابقت الاجوبة مع الاسئلة يعطيك الباسوورد الذي غيره السارق .. و بعد ذلك بأستطاعتك تغييره الى باسوورد جديد ..
.
.
ولازم تذكر المعلومات اهم شي الي ذكرناها فوك واذا دخلت المعلومات صحيح انشالله يرجع الاميل الك بحيل الله
ولاكن هذه العملية مقدار نجاحها 50% للاسباب التالية
المخترق ايجوز يغير المعلومات .. وهاي الدوخة فلاميل راح ومشة علك المفروض اول مينباك راستا تروح تسوي استعادة باس ورد وانشالله يرجع

واتمنة من الكل تقرا الموضوع بتركيز وتستفاد منة استفادة الازمة لتحصين نفسك


تحياتي

منهل التلكيفي
.

ساعد في نشر والارتقاء بنا عبر مشاركة رأيك في الفيس بوك ...- اكتب تعليقك - ...

 

 

توقيع » منهل التلكيفي

من مواضيع منهل التلكيفي

رد مع اقتباس
إضافة رد

مواقع النشر


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة BB code متاحة قوانين المنتدى
لا تستطيع الرد على المواضيع الابتسامات متاحة
لا تستطيع إرفاق ملفات كود [IMG] متاحة
لا تستطيع تعديل مشاركاتك قوانين المنتدى
الانتقال السريع

Facebook Comments by: ABDU_GO - شركة الإبداع الرقمية

الساعة الآن 07:41 AM.